|
Dendrarinin strukturu
Hazırda, Mərdəkan
Dendrarisinin iş mövzularının genişləndirilməsi ilə
bağlı olaraq aşağıdakı strutura malik altbölmələr
mövcuddur: Apşeronun kurortlarının yaşıllaşdırılması
məqsədi ilə dekorativ ağac, çiçək və ot bitkilərinin
introduksiyası ilə məşğul olan introduksiya
laboratoriyası; yerli floraya məxsus olan qiymətli
efiryağlı bitkilərin aşkara çıxarılması və
introduksiyası ilə məşğul olan efiryağlı bitkilər
laboratoriyası; efir yağlarının, dərman məmulatlarının
və müxtəlif bitkilərdən ədviyyatlar, aşılayıcı
ekstraktlar alınmasının üsulları və onların kimyəvi
tərkibinin öyrənilməsi ilə məşğul olan texnoloji
laboratoriya; bitkilərin morfoloji və anatomik
laboratoriyası; genetika və seleksiya laboratoriyası.
Dendraridə botanika muzeyi
yaradılır. 1970-ci ildən başlayaraq
Dendrarinin ərazisinin planlı şəkildə yenidən tikilib
qurulması üçün işlər görülür. Kiçik arxitekturaya malik
olan binalar ucaldılır, hovuzlar, istixanalar,
oranjereyalar və parniklər tikilir
Son illərdə, xüsusilə 1996-1999-cu illər ərzində
Mərdəkan Dendrarisində onun hazırkı direktoru olan Tofik
Məmmədovun rəhbərliyi altında əsaslı bərpa işləri
görülmüşdür.
Dendrariparkda aşağıdakı
obyektlər və parklar mövcuddur: yeni binalar inşa
edilmiş, köhnə tikililər isə bərpa edilmişdir. Çoxsaylı
müxtəlif bitkilərlə zəngin olan park bir daha
yeniləşdirilmişdir.
·
Müxtəlif seminar və konferensiyaların keçirilməsi
üçün nəzərdə tutulan 200 nəfərlik konferens-zal;
·
Banket zalı;
·
«Lyuks» tipli 1-2 yerlik 20 sayda qonaq otağı;
· Səyahətə
gələnlər üçün otaqlar;
·
Fransız «Gotik» üslubu ilə tikilmiş binalar;
·
Müxtəlif elmi laboratoriyalar;
·
Süni şəkildə düzəldilmiş şəlalə;
·
Qeyri-adi inşa edilmiş ecazkar dərin su quyusu;
·
Səyahətçilərin istirahəti üçün nəzərdə tutulmuş kiçik
parklar;
·
Qayıqla gəzinti üçün düzəldilmiş göl.
|
Tarix